Hvað eru ellimerki í hundum? Hvenær telst hundurinn minn gamall?

Þegar blessaðar skepnurnar okkar fara að eldast er líklegt að við verðum vör við ýmsar breytingar í fari þeirra. Algengt er að hundar fái ýmist aukna matarlyst og byrji skyndilega að fitna eða að þeir missi matarlystina og grennast eftir því sem aldurinn færist yfir. Það sem er erfiðast fyrir okkur er að meta hvenær á að setja hundinn á sérstakt „senior“ fóður.

Hundar eldast mishratt og því er ekki hægt að segja að við ákveðinn aldur eigi að telja þá gamlingja (svoldið eins og með okkur mannfólkið ☺ ), En hundar eldri en ca. 8-12 ára eru oftast flokkaðir sem gamlir hundar. Dýralæknar og framleiðendur fóðurs miða því oft við að skoða skuli að breyta um 8 ára aldurinn einkum hjá stærri hundum, en um 9-10 ára hjá léttari hundum.  Við erum ekki heldur svo heppinn að hundarnir byrji endilega að bera ellimerkin utan á sér. Þau byrja oftast innra með þeim: liðir, blóðrásarkerfi, lifur og einkum nýru eru helstu innri líffæri sem byrja að sýna hrörnun. Sjón, heyrn getur byrjað að daprast og hundar geta fengið elliglöp. Því miður þá geta þessir fjórfættu vinir ekki sagt til um einkenni sín og sjá eigendur þau oft ekki fyrr en þau eru orðin hrópandi áberandi og farin að há dýrinu.

Hvaða einkenni benda til þess að hundurinn minn sé farinn að eldast?

Hér verður stiklað á nokkrum einkennum sem gott er að hafa í huga og hvað við sem umsjónaraðilar dýranna getum gert til að tryggja þeim gott ævikvöld.

SJÓN

Hvumpinn hundur, sem bregður þegar fólk kemur til hliðar við hann eða aftan að honum. Sem byrjar skyndilega að gelta á hluti sem hreyfast í fjarska, eða ímyndaða hluti. Ef hann byrjar að ganga á eða mjög nærri til dæmis veggjum og hurðagötum. Óöryggi þannig að hann gangi á eftir eiganda sínum eða mikið þéttar við hann en áður.

Hundur sem sýnir slík einkenni gæti verið með dapra sjón. Þá er einnig hægt að sjá eins og litur augnanna breytist eða að skýjahula leggist yfir þau og gott er að hafa í huga að algengt er að nætursjónin fari fyrst. Augnsjúkdóma er mjög erfitt að eiga við og því er allt sem við getum gert til að fyrirbyggja þá mikilvægt. En hvað er hægt að gera til að styrkja sjón hunda? Amínósýrur eru mikilvægar til að fyrirbyggja augnsjúkdóma þær má finna náttúrulega til dæmis í eggjum, brokkolí, avókadó og hvítlauk, þá er einnig talið að A, C og E vítamín, Lútín (Lutein) og Selen geti læknað ákveðna augnsjúkdóma. Þá hjálpa ákveðnar góðar fitur sem innihalda omega-3 fitusýrur til að koma í veg fyrir augnsjúkdóma, einkum eru nefndar olíurnar laxaolía, þorskaolía, hörfræolía. Vínberjafræskjarni (Grapeseed / Grapeseed extract) er sett i fóður m.a. fyrir sjóntaugarnar.

LIÐIR

Liðavandamál er að því virðist það sem kveikir á peru okkar flestra að besti vinur okkar er farinn að reskjast og kominn á seinna æviskeiðið.

“Hundur sem alltaf stóð upp þegar ég kom heim og tók mér fagnandi, stendur ekki alltaf upp þegar ég kem heldur kúrir bara áfram.” 
“Hundur sem skyndilega (eða æ oftar) er farinn að laumast upp í sófa eða rúm eða annan mýkri stað, hann sem lá alltaf á köldum flísunum áður.”
“Hundurinn sem flaðraði alltaf upp um mig þegar ég kom, fagnar mér ekki lengur með flaðri.”
“Hann teygir sig lengur og meira á morgnana þegar hann vaknar, hann er ekkert farinn að hægja á en er aðeins lengur í gang á morgnana útaf þessum teygjum….. Hann tekur ekki lengur sprettina sem hann gerði….. Hann djöflast eins og hvolpur í göngutúrnum en haltrar svo þegar við komum heim eða daginn eftir.”
“Hún virðist vera viðkvæmari fyrir kulda.”

Allt eru þetta raunverulegar lýsingar frá íslenskum hundaeigendum. Hunda sem voru farnir að reskjast en eigandinn gat ekki beint fullyrt að hann ætti að flokkast gamall. Munið að þó minnka eigi álag á hunda sem komnir eru með liðavandamál þá er mjög mikilvægt að þeir fái reglulega hreyfingu og styrktaræfingar til að vöðvamassi þeirra rýrni ekki og álagið á liðina aukist enn meira.

NÝRU

Nýrnabilun er ein algengasta veikin í eldri hundum. Nýrnavandamál er afar erfitt að eiga við því þessi líffæri virðast ólseig og sýna ekki á sér neinn bilbug þar til allt í einu þau hætta að starfa. Einkenni geta til dæmis verið mikill þorsti. Því mælum við með að fólk viti cirka hvað hundurinn þeirra þarf að drekka á sólarhring, eins og með allt þá er vatnsinntaka einstaklingsbundin.

Eitt helst merki þess að hundur sé veikur er að hann hættir að drekka eða fer að drekka óstjórnlega. Fólk sem þekkir vatnsinntöku hundsins síns þegar hann er frískur og heilbrigður og mælir almennt vatnið ofan í hundinn sinn greinir fyrr breytingar og á meiri möguleika á að greina veikindi eða vanlíðan og grípa snemma inn í.

Almennt er miðað við að hundur þurfi að drekka ca. 55-110 ml pr. kg á dag, en auðvitað þarf að hafa í huga stærð, virkni og hreyfingu hundsins og hvers kyns fóður hann er að fá en þurrfóðurshundar þurfa meira vatn en hundar sem t.d. eru fóðraðir á blautfóðri. Hundur sem byrjar skyndilega að drekka mikið meira en 100 ml /kg á dag ætti að fara með til dýralæknis.

Vissir þú að eitt merki þess að hundurinn þinn sé með hita eða veikur er þurrt og heitt trýni? Trýnið á að vera rakt og kalt en mjúkt viðkomu.

Þá er líka fróðlegt að fólk viti hvað er eðlilegt magn sem dýrið skilar frá sér af þvagi. Til dæmis ef hundur sem mígur venjulega 2-3 í gönguferð byrjar skyndilega að pissa mikið oftar og lítið í einu eða stoppar helmingi lengur við á hverjum stað og virðist aldrei ætla að hætta að míga (svo kölluð flóðmiga). Þá er að sjálfsögðu ekki eðlilegt að húshreinn hundur byrji skyndilega að pissa inni (jafnvel þó hann sé „ekki einu sinni orðinn sérstaklega gamall“). Talað er um að eðlilegt sé að hundur framleiði um 20-40 ml af þvagi pr. kíló á dag.

Hefur þú spáð í hveru mikið þinni hundur pissar á sólarhring? Hversu fljótt eða seint myndir þú sjá ef breyting yrði á pissuhegðun hans?

Til að fyrirbyggja nýrnavandamál og stuðla að heilbrigðri virkni þeirra getur þú fóðrað með hágæða hundafóðri með vandaðri samsetningu helstu næringarefna. Til að minnka álag á nýrun og draga úr líkum á nýrnabilun draga flestir fóðurframleiðendur úr fosfóri og natríum í „senior“ fóðri og því borgar sig að huga að tilfærslu yfir í ellismellafóður fyrr en seinna.

Innihaldið gerir gæðamuninn eru einkunnarorð Belcando og þeir hafa sérstaklega gætt að mikilvægi umönnunar á eldri hundum (eða heldri hundum):

  • Við þróun (h)eldri-hunda fóðursins Senior Sensitive er notast við lausnir náttúrunnar til að vinna á og draga úr ellimerkjum. Senior Sensitive er hugsað fyrir meðalstóra og stóra hunda frá 8 ára aldri.
  • Þá hefur Belcando nýverið kynnt til sögunnar ellismellafóður fyrir smáhunda sem er bæði kornlaust og hefur öll þau vítamín sem eldri hundar þurfa, nýja fóðrið er Belcando Finest GF Senior og því ætlað fyrir litla og meðalstóra hunda. Belcando Finest GF Senior fóðrið er smærri kögglastærð en Senior Sensitive fóðrið, það er án korns (grain free) og er aðeins fitumeira en hitt því smærri hundar þurfa almennt meiri orku en stórir hundar.
  • Belcando býður einnig upp á vítamín til að fyrirbyggja einkenni öldrunar, Belcando AGE-Tabs. Vítamínið er samsett úr ríkustu náttúrulegu vítamíngjöfunum. Sjá stutta kynningu hér : https://www.youtube.com/watch?v=0ygI5XaKtxI

Við óskum ykkur velfarnaðar og munið að njóta elliáranna með fjórfættum vinum ykkar.

Belcando Finest GF Senior hundafóður Belcando Senior SensitiveBelcando Age Tabs

Upplýsingar voru m.a. fengnar úr eftirfarandi greinum :
http://www.belcando.com/en/senior-sensitive
http://www.belcando.com/en/age-tabs
http://www.whole-dog-journal.com/issues/5_4/features/5445-1.html
http://veterinarynews.dvm360.com/ins-and-outs-polyuria-and-polydipsia

 

Tekið saman af Kristín Sigmarsdóttir fyrir Vetis ehf.

vetis ehf

 

Kennitala: 6602023660
Melabraut 24
220 Hafnarfirði
Ísland

Sími / Tel: +354 421 8005
Farsími / Mobile: +354 651 8005
Tölvupóstur / E-mail: lager(hja)vet.is

facebook